في كل مرة التقي فيها بجدتي تطربني باحدى بوقالاتها الرائعة فجمعت عددا منها يشرفني ان اتقاسمه معكم
ارجو منكم ان تختاروا رقما من 1 الى 22 مع الالتزام بالشرط الاساسي وهو
النية انووا على روحكم على اخرين كيما حبيتوا
وارجو منكم ان تشاركونا برقم بوقالتكم
1 جزت على جنية قاتلي واش تحوسي يا لولية قلتلها ماني نحوس لا على مال لا على جاه نحوس على من ضيعت
يولي ليا
2 النور بالنور و النور عينيا طبطبوا على الباب و جيبولي لي عزيز عليا راني نطلب من ربي يجي يطلب
يدي من ماليا
3 الشمعة يا الشمعة يا الضواية لوكان نعرف واش بيك نمسح هذيك الدمعة من خديك و نرد وجهك مرايا
يا ربي يا معبود اقبل دعايا رجعلي زهو الزمان و يعيا لحبيب قاعد معايا
4 لوكان السعود ينغرسوا نغرس ميات عود و عود في طية بصح السعود في يدك يا معبود سقم لي سعدي الناس الكل بحبيبهم و انا غريب في هذي
الدنيا وحدي
5 علاش يا لالة التخمام رحمة الله واسعة و كبيرة لوكان جات بالكلام نتحدثوا و نعطوك تدبيرة بصح كل شيء بالمكتوب و يعيا الخير
يبان و تزول عليك الهموم و تروح الحيرة
6 يا سيدي الطالب دير فيا مزية و جيبلي هذا الشباب الي ما يبغيش يخزر فيا انا شابة
و زينة بصح زهري دارها بيا
7 السمرة يا السمرة يلي حلوة كالتمرة عيونك شهلة و لسانك جمرة
8 هبطت لقاع البحر فرشت زربية خرجتلي جنية قاتلي واش بيك يا البنية قلتلها راحوا حبابي و خلاوني وحدانية
9 الدالية دلات و دل العنقود خلي القمر ينكشف و السحاب يذوب وخلي لالات الناس تنال المرغوب
10 الناس تنده بالرجال و الوالي و انا ننده بربي العالي
11 حوم يا حوام فوق السطح العالي وقولها يا لالة يا زينة البنات و خدودها براقة و عيونها غراقة و صارت كل
القلوب ليها سباقة
12 يا شمس واش بيك ذابلة اذا بيك الزين راني نفكر فيك و اذا بيك الزهر ربي ما يتخلى عليك
13 محبس منقوش مربي على الفشوش ما يحمل الهانا اصبر يا خاطري حتى يفرج مولانا
14 جايز على باب دارنا لابس تلمساني قتلو يا شيخ بالاك تنساني قالي و الله ما ننساك و نصيبك على ربي جاه و سلطاني
15 عسل يا عسل في باقة خضراء يا زينة العاشقين يا قمرا حلف سيد الملاح ما يراس امر غير اذا جات حبيبتو باش تكمل الحضرة
16 انا سعدي مليح و قنديلي ضاوي البنيان الي بنيتو كامل سجالي و لي يخصني يكملهولي العالي
17 انا شابة و مهري غالي و لي يبغي يديني يحسب النجوم و يسهر الليالي و يبني القصور في العلالي ولي يبغي الغالي نجيبلو
بنات و ذراري
18 نزلت لقاع البحر خرجتلي جنية قاتلي واش بيك يا لالة مهمومة افتحي قلبك ليا قلتلها هذاك حبيبي داوه عليا انا
قلبي معاه و قلبو معاها هي
19 بعثتلك برية في قرنفلة خضراء قتلك يا شباب بدلتني بالغير قالي والله ما بدلتك بالغير يا لالة محبتك في القلب غير
اذا شاب الطير و الطير ما يشيب يا لالة
20 سبحان من خلقك و خلاك فتنة للناس فاتح على خدك سبع جناس ورد و قرنفل و ياسمين اديتي كامل السر واش خليتي للناس
21 الانسان ينسى همو و ينسى الورد بعد ما يشمو بصح عمرو ما ينسى الي سكن قلبو و دمو
22 ورد و ياسمين و ريحان من جنة الرحمان و انشاء الله حبنا مزيان و بالفرحة مليان
ترقبوا جديد الأخبار على هذا الشريط ..
